قصة بنت برمضااان

الخميس يناير 16, 2014 7:58 pm

السلام عليكم
حبايبى انا حبيت اجى احكيلكم عن تجربه فى حياتى وهى تجربتى مع شهر رمضان
انا من فتره كده من كام سنه كنت بمر بكروب كتيره والله مش كرب واحد وكان كل كرب منهم اكبر من التالنى لدرجه ان اى حد مكانى كان بجد انتحر وريح نفسه من الدنيا من شده الازمات اللى كنت بمر بيها وكمان كان سنى صغير يعنى 20 او 22 سنه كده يعنى السن اللى اى بنت بتعيش حياتها من غير طغوط ولا مسئوليات وكلها خروج وصحاب وهزار
المهم عشان مطولش عليكم انا كنت بسمع عمرو خال كتير اوى وفى حلقه من الحلقات فضل يحكى عن فضل الدعاء فى شهر رمضان وانه شهر استجابه الدعاء وبالظبط كانه شهر الامنيات وقال عشان ربنا يستجيب دعواتك ادعى كتير طول الشهر ده وكمان قبل الشهر ما يبدا اكتب امنياتك فى ورقه وحددها كويس وافضلى ادعى بيها ليل نهار فى كل وقت فى كل صلاه وانت ساجده وبين الازان والاقامه وعند الفطار وفالتراويح وبعد التراويح وقومى بالليل وصلى التهجد وادعى وانت ساجده باللى كتبتيه فى الورقه وفى صلاه الفجر وقال ان مش هايعدى السنه الا واغلب الدعوات والامنيات هاتلاقوها اتحققت
انا والله عن نفسى عملت كده فى كزا رمضان فات والتزمت بالدعاء فى كل وقت طول اليوم زى ما قال وفعلا اتحققتلى حاجات كتيييييييييره والله وكانت بتتحقق قبل رمضان اللى بعده ما يجى انا بحلف بالله بجد
انا كانت عندى امنيات مستحيله تقريبا والله اتحققت وبسرعه ولولا الوقت انا كنت حكيتلكم بالتفصيل على اللى كنت بتمناه واتحقق وازاى معرفش وكله برحمه ربنا وثقتى فيه
واهم حاجه يا بنات الثقه فى ربنا لازم تدعى وانت واثقه فى ربنا
عشان كده انا بحب شهر رمضان ده اوى وغالى عندى اوى اوى
انا عن نفسى هاموت واسافر لجوزى ويتلم شملى معاه منها عشان بحبه ومنها لانى بمر بظروف صعبه سببها بعد جوزى عنى
وعشان كده انا شغاله ادعى فى رمضان وواثقه بجد ان ربنا هايستجيبلى لانى مجربه رمضان وعرفاه
وبجد حبيت اقولكم على تجربتى مع شهر رمضان اللى اتعلمتها من شهر عمرو خالد وافيدكم بيها
اكيد كلنا جوانا امنيات
ربنا يحققلكم اللى نفسكو فيه
ومتنسوش تتدعولى انى اسافر لجوزى
ربي يحققلك كل أمانيكي وتكوني من أهل الجنة